علبة ملوّنة من ورق روزنامة وكرتون Boîte colorée en papier calendrier et en carton
لتشوفوا مراحل الشغل بتقدروا تشوفوا الفيديوهات بكعب الصفحة Pour voir les étapes du travail, veuillez regarder les videos en bas de la page من لمّا بلّشت إشتغل بالورق traduction en bas وأعمل منن أشغال يدوية، صرت جمّع ورق وكرتون وأطلب من اللي حواليّي يجمعولي. وكلّ مرّة يكون دابب فيّي النشاط والحماس قضّيها عم قصقص ورق ولزّق وحضّرن لأعمل فين إشيا. وتساءب كلّ مرة إترك البيت. ومن بيت لبيت إرجع جمّع عن جديد، وكلّ مرة إترك ورايي اوراق مكدّسة، أحيانا إرجع إبعتن عمركز لإعادة التدوير في حال لقيت أو عالزبالة للأسف. ولمّا نقلت هالغرفة، كمان جمّعت عن جديد وكنت حاملة معي اوراق محضّرة وجاهزة لأعمل منها لوحات. من كم شهر أخدت قرار خطير إنّي إتخلّى عن كل شي ورق وكرتون مجمعتو حتى الإشيا المحضرة وغالية عقلبي، وبعتّن عمركز إعادة التدوير حتى وسّع المساحة الضيقة وإفسح المجال لأفكار جديدة ورغبة جديدة وحماس جديد من بعد ما كانوا منطفيين. حبّيت الفكرة وأتاريها عطيت مفعول. من بعد ما فرّغت المكان وتخلّيت عن القديم صار في مطرح لأفكار جديدة وقرّرت رجعت إشتغل بالورق بس بقياسات زغيرة على أدّ المكان اللي أنا فيه، و...